المتابعون

ترجم المدونة

عزيزى القارى حرصا منا على اتاحه المجال لكافه افراد الشعب المصرى للكتابه على صفحات مدونتنا

فان رغبت فى ذلك فراسلنا على العنوان الجديد

egyptvictory@yahoo.com

عدد الزوار

مدونات صديقة

دردش معانا

تدوينات اجنبية منوعة

About Me

صورتي
Ahmed . M . Abdulrahman
port said, port said, Egypt
كاتب
عرض الملف الشخصي الكامل الخاص بي
الأحد، 29 يناير 2012

ننشر تصريحات " النقيب البطل / محمد طارق وديع" تضامناً معه و مع ضباط 8 ابريل

اعزائى القراء السلام عليكم 

تضامناً مع النقيب البطل / محمد طارق وديع و ضباط 8 ابريل  .... قررنا نشر تصريحاته الاخيرة التى كتبها على موقع التواصل الاجتماعى Twitter وذلك للمساهمة فى نشرها على اوسع نطاق ووصولها لكافة الشرائح المستخدمة لشبكة الانترنت



النقيب  : محمد طارق وديع
 
ظابط في الصاعقه
 
رقمه العسكرى : ١٢٦٤٣٣
 
ملازم أول/ محمد وديع الوحده ٩٩٩ قتال سابقا ضباط ٨ ابريل حاليا والعمر واحد والرب واحد

يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر
مبارك مبارك مصر ؟؟

يعنى ايه قبل قرار تنحى مبارك يتسرح ١٨٠٠ مسجون من السجن الحربى منهم اغتصاب وقتل على طريق مصر الاسماعيليه ؟؟


يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك ارجع مش عايزين مشاكل

يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه لحد ما ييجى يصلى تانى ؟؟

يعنى ايه الديكتاتور مختار المللا يتكلم عن الديقراطيه ؟؟
 

يعنى ايه الضايع سامى عنان يخطط لجيش مصر ؟؟
 

يعنى ايه ممدوح شاهين التايه يشرع لمصر ؟؟
 

يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟
 

يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا ينفذه 
مذبحه فى التحرير ؟؟
 

يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟
 

يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟
 

يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟
 

يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش نفخه ؟؟
 

يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟
 

الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم ٨ ابريل مين 
وصلهم لكده ؟؟
 

ضباط لواء الوحدات الخاصه رجال الضفادع البشريه رفضوا ضرب المتظاهرين اما ال ٧٧٧ ؟؟
 

يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة الثوار ؟؟
 

يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء سامى سعد زغلول
يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين وصله ده ؟؟
 

يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟
 

يعنى ايه اللوا الفخرانى يكلف بوابه ٩ ميليون الرقابه الاداريه تزعل يطلع معاش ويتعين محافظ الاسماعيليه ؟؟
 

يعنى ايه القبه السماويه فى الكليه الحربيه تتكلف ٤٥ ميليون جنيه فى عهد مختار المللا
 

يعنى ايه حمام فى الصحراء يتكلف ٢ ميليون جنيه يعملوا خبير المانى لإحتمال قدوم مبارك لعرض المنطقه الغربيه
 

يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟
 

يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال
 

يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما كانتش الثوره نجحت ؟؟
 

يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟
 

يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه ونصفهم مغيبين ؟
 

يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟
 

يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟
 

يعنى ايه الجبن يبقى اهم صفات المقاتل !!!!
 

يعنى ايه المشير يقول على طلبة الكليه الحربيه بعد خناقة ١٥ مايو الطلبه دول انا كنت قادر احرقهم !!
 

إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم قاعد
ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه وتحاول ترجعهاله
 

تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات لواء مدير جهاز الرياضه
 

لعبت كوره مع المشير فى ٢٠٠٥ وكان ضدى وبيلعب مع المهد الفنى واحنا حربيه
 

يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى احتمالات
 

يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال ٩٩٩ ورا المتحف لحد ما يبانلو صاحب مسلسل الوسيه ده ؟
 

يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟
 

يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش حسنى مبارك
 

يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟
 

يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟
 

يعنى ايه مرتب الملازم ٢٠٠٠ جنيه ومرتب اللواء ٥٠٠٠ جنيه والفرق بينهم ٣٠ سنه عمل سياسة تجويع وحرمان ؟؟
 

يعنى ايه حصاد هدايا زفاف ابن احد اللواءات ٢٥٠٠٠٠ جنيه ذهب
 

والله العظيم المشير ما عايز يضحك على الشعب والله العظيم المشير عايز يكسر إرادة الشعب
 

طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه لسيادته ؟؟
 

يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت مش جاسوس ؟؟
 

طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟
 

يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى المليان ؟؟
 

يعنى ايه عصابه خلصت على الجيش وبتخلص على مصر دلوقتى ؟؟
 

يعنى ايه ابقى عارف قد ده ميت مره والناس تقول شرفاء الجيش فين وما انزلش يوم ٨ ابريل ؟؟؟؟؟
 

يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على جثتك ؟؟
 

يعنى ايه ٦٥ يتدفنوا جنب السجن الحربى واهاليهم بيدوروا عليهم لحد دلوقتى ؟؟
 

يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟
 

يعنى ايه الوحده ٧٧٧ والوحده ٩٩٩ وحدات ارهاب دولى توضع فى مواجهه مع مواطنين مصريين
 

يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري
 

يعنى ايه لما اسكت ابقى خاين ولما اتكلم ابقى باعمل فتنه ؟
 

يعنى ايه الطيران الحربى يشارك فى تهريب اموال ؟؟
 

يعنى ايه حسن الروينى يأمر بتأمين ابناء مبارك من مصطفى محمود للتحرير ١ فبراير ؟؟

وهذا لا يقارن بما يعرفه  "النقيب البطل / محمد طارق وديع " من معلومات فهذه مجرد قشور قد افصح عنها 
و البقية تأتى بإذن الله

2 التعليقات:

Übersiedlung يقول...

شكراااااً كتير ع المجهود :)

غير معرف يقول...

وحشتنا قادنا

هذه مدونة أشتراكية

هذه مدونة أشتراكية
الأشتراكية ...هيا الحل

ندعم ثورة البنات

المقاومة حق مشروع

المقاومة  حق مشروع
بالبندقية نبدأ ...... بالبندقية ننتهى

لا للمحاكمات العسكرية

أسأل فى أى شئ

تابعنا على NB

أحصائيات المدونة

free counters
رخصة المشاع الابداعي
مصر...........الروح والنصر هذا مرخص المشاع الابداعي نسب المصنف 3.0 الاصلية ترخيص.