المتابعون

ترجم المدونة

عزيزى القارى حرصا منا على اتاحه المجال لكافه افراد الشعب المصرى للكتابه على صفحات مدونتنا

فان رغبت فى ذلك فراسلنا على العنوان الجديد

egyptvictory@yahoo.com

تابعنا بالبريد الالكترونى

عدد الزوار

مدونات صديقة

دردش معانا

تدوينات اجنبية منوعة

About Me

صورتي
Ahmed . M . Abdulrahman
port said, port said, Egypt
كاتب
عرض الملف الشخصي الكامل الخاص بي
الثلاثاء، 31 يناير، 2012

نتابع نشر أخر تصريحات النقيب البطل / محمد طارق وديع

أعزائى القراء السلام عليكم 

كنا قد نشرنا سابقاً مجموعة من تصريحات  " للنقيب البطل / محمد طارق وديع "  
يتحدث فيها عن الفساد داخل المؤسسه العسكرية و موقفه من الثورة و ذلك نقلاً عن حسابه على موقع Twitter ونستمر الان بنشر المزيد من تصريحاته تضامناً معه و مع ضباط 8 ابريل و كل شرفاء الجيش و كل من ساندوا الثورة



يعنى ايه نكون ٥٧ ضابط فى ميدان التحرير ٨ ابريل يتحاكم ٢٢ منهم ١٤ بس كانوا فى الميدان وباقى ال٥٧ كوووووسه ؟؟
 
 يعنى ايه عقيد مخابرات حربيه يطلب رشوه ٥٠ ألف جنيه من اسرة احد ضباط ٨ ابريل علشان يخرجه من الموضوع ؟؟
 

 يعنى ايه علشان نخرج لازم نعترف أن التحرير عملاء وخونه والمجلس زى الفل ؟؟
 
 يعنى إيه الرقابه الإداريه ترصد سنة ٢٠٠٥ ان اللواء مختار المللا وصالح الحسينى وسامح صادق ثروتهم تفوق ال ١٠٠ ميليون جنيه ؟؟
 
 يعنى ايه يا اضرب مع اللى بيضربوا واعري مع اللى بيعروا وادهس مع اللى بيدهسوا يا اما يبقى حد بوظلى دماغى وضحك عليا ؟؟
 
 صاعقة جلال هريدى وابراهيم الرفاعى ما بتعذبش ناس فى المتحف المصري ومظلات سعد الشاذلى ما بتعريش بنات وتضربهم
 
 يعنى ايه المشير يبلغ الريس على عملية شرق العوينات حررنا السياح واشتبكنا واحنا لقيناهم بالصدفه ومطلعناش طلقه واحده ؟؟
 
 يعنى ايه تزييف وتزوير حقائق تاريخيه ؟؟
 
 يعنى ايه المشير يسيب كتيبته تاكل علقه سخنه فى اكتوبر وبسببها تبدأ الثغره ونلقبه بطل معركة المزارع ؟؟
 
 سوزان بيومى تعمل بشركة مصر للطيران والدها مدنى ميكانيكى يعمل بورش القوات المسلحه
 
 تزوجت سوزان من ضابط صغير تم الحكم عليه بالسجن فسعت ان تصل إلى كبار القاده محاولة مساعدته
 
 نجحت سوزان فى الوصول إلى ارقام هواتف كل من اللواء صلاح الشربينى واللواء يسرى زكى سكرتير المشير
 
 ونجحت فى الوصول إلى هواتف ممدوح شاهين واللواء احمد عبد الله رئيس القضاء العسكرى الاسبق وزكريا عزمى
 
 ونجحت سوزان فى الوصول للفريق سامى عنان
 
 وبعد ان قابلت اللواء يسرى زكى سكرتير المشير فى سياره سوداء وظل يلف معها فى مصر الجديده للتأمين ذهب بها إلى فيلا فى التجمع الخامس
 
وقام اللواء يسرى بمعاشرتها جنسيا والظابط الصغير خرج والحمد لله لكن طلق سوزان ولم تنتهى علاقة سوزان بالساده
 
 كانت سوزان تعاشر اللواء صلاح الشربينى واللواء يسرى زكى لفتره طويله
 
 وكانت سوزان تقابل زكريا عزمى الاثنين من كل اسبوع فى منطقة الجولف
 
 حتى اصبحة صاحبة شبكة توريد فتيات للساده القاده الكبار حتى سامى عنان
 
واصبحت سوزان تتقاضى اموال باهظه من أي شخص له مصلحه داخل القوات المسلحه وكله بيخلص يا معلم زى السكينه فى الحلاوه
 
 طيب انت عرفت الكلام ده منين ؟ الظابط الصغير دفعتى وعندى مكالمات مسجله للبهوات من و إلى سوزان
 
 أنا عارف إنى هاموت قريب جدا بسبب الكلام ده او هتاخد على المخابرات تانى والله قاعد بقالى يومين مستنى حاجه من دول
 
 انا بتويت من جهاز احد العاملين وربنا يسترها بس لو كل واحد عارف هايخاف يقول ماحدش هايتحاسب وهايفضلوا يضربونا على قفانا
 
 أنا متحول للنيابه وداخل على قضيه جديده بسبب كلام زى كده فى جريدة صوت الامه وبقالنا ١٠ شهور بنتكلم لكن ماحدش عايز يسمعنا
 
 أنا مش جاى هنا اقول فضايح ولا شايف انى لسه قلت حاجه مهمه أنا جاى اقول ليه بنخاف نتكلم واحنا شايفين وعارفين ومتأكدين ؟؟
 
 ليه الأستاذ يسرى فوده يستضيف اسماعيل عتمان يشوهنا ولما نطلب فرصة دفاع عن النفس بأهالينا واصحبنا ووثائق يرفض ؟؟
 
 ليه الأستاذه نواره مصره اننا تبع المجلس ولما نطلب نتكلم معاها ونوضحلها ترفض ؟؟
 
 هو احنا مش مصريين ولينا حق نغضب ونثور زيكم ونرفض الفساد والظلم ؟؟
 
 أحنا ما عملناش انقلاب مسلح احنا نزلنا نقول انتم ماشيين غلط والمجلس ده انتم مخدوعين فيه نبقى خونه ؟؟
 
 لما ادخل كليه عسكريه علشان اموت علشانك والاقيك انت اللى بتموت علشانى وفى الاخر بينضحك عليك المفروض كنت اسكت ؟؟
 
 أحنا الكيان الوحيد الحكومى اللى استفاد من الثوره وضع اجتماعى اختلف وعوائد ماديه وزيادة مرتبات طيب ليه نسيب ده كله ؟؟
 
 ليه نسيب مستقبل مضمون ونختاركم ومانلاقيش غير سوء ظن وشك وتخوين ؟؟
 
 أنا اقسم بالله عندى كلام لو قلته ما هايطلع عليا نهار احنا عايزين نكلم الشعب المصري مالك الجيش الحقيقى ازاااااااااي ؟؟
 
 ضباط ٨ ابريل على استعداد لمناظره على الهواء مع المجلس العسكرى عن الخطه اراده وحمايته للثوره زى ما بيقول والباقى لجنة الدفاع بمجلس الشعب


و نؤكد أن تلك مجرد قشور بسيطة مما يعرفه 

" النقيب البطل / محمد طارق وديع "  ............. و البقية تأتى بإذن الله 

1 التعليقات:

غير معرف يقول...

ثقافة الهزيمة .. الناس اللى فوق و الناس اللى تحت

و نشرت جريدة المصرى اليوم فى 17 فبراير 2012 فى برنامج «محطة مصر» للإعلامى معتز مطر على قناة «مودرن حرية» وجه النائب أبوالعز الحريرى اتهاماً لأحد كبار أعضاء المجلس العسكرى بالتورط فى تهريب 4 مليارات دولار للخارج، وقال إن إحدى الشخصيات تقدمت ببلاغ رسمى عن وجود 15 مليار دولار «أموالاً قذرة» فى البنك المركزى، وقدمته لعدة جهات من بينها المخابرات الحربية التى أخبرته بأنه تمت إحالة البلاغ لأحد كبار أعضاء المجلس، وبعد عدة أيام فوجئت بخروج 4 مليارات دولار من هذا المبلغ خارج مصر،


وأضاف «الحريرى» أنه يتقدم باستجواب للمشير حسين طنطاوى حول هذا الموضوع، إلى جانب استجواب آخر حول المصرف العربى الذى وصفه بـ«المصرف الملعون»، لأنه «مغسلة للأموال القذرة» فى مصر، ويتربح منه المسؤولون منذ عام 1974، ولا توجد رقابة عليه، وتتعمد وحدة مكافحة غسل الأموال بالبنك المركزى تجاهله تماماً...

باقى المقال ضمن مجموعة مقالات ثقافة الهزيمة ( بقلم غريب المنسى ) فى الرابط التالى www.ouregypt.us

و أحلى من الشرف مافيش.

هذه مدونة أشتراكية

هذه مدونة أشتراكية
الأشتراكية ...هيا الحل

ندعم ثورة البنات

المقاومة حق مشروع

المقاومة  حق مشروع
بالبندقية نبدأ ...... بالبندقية ننتهى

لا للمحاكمات العسكرية

أسأل فى أى شئ

تابعنا على NB

أحصائيات المدونة

رخصة المشاع الابداعي
مصر...........الروح والنصر هذا مرخص المشاع الابداعي نسب المصنف 3.0 الاصلية ترخيص.